首先，要同潮友講返對唔住，其實尋晚同大家介紹時，已經講過大埔戲棚規模好細，只有十多檔到，一定唔可以同青衣比較，而且開檔時段唔係咁長，所以提醒咗大家真係附近嘅街坊先入去，唔係真係會好失望。
大熱天時，都係推介返大家去小店降溫啦，盡量唔好喺空曠地方曝曬、同埋喺旺區排隊，除非潮友有特別喜好啦😳
呢間新新地嘅甜品小店，裝修好有玩味，紫色燈牌，離遠就spot到！入到去，用ipad落order叫甜品，目標，只有兩個：真的假牛扒、假的真吉列！
呢個扮哂野《冰極豬扒、炸豬扒雪糕》$58，外層係麵粉脆炸吉列皮，裡面包咗凍冰冰嘅雲尼嗱雪糕，大熱天時食返個冰火交融，的確好貼心～加埋偽沙律醬嘅忌廉同扮茄汁多啤梨醬食，好得意。
仲想食扒餐？咁潮友應該食埋佢地嘅《冰極牛扒餐$65》喇，大大塊朱古力雪糕偽牛扒，加埋扮薯餅西多同係薯條燒香蕉，確係邊心涼！不過，雪糕牛扒每日限售大約二十份，所以通常未到夜晚八點就賣哂，仲有主打自家製噴煙菠蘿包味同馬騮搣味醒糕，真係呢度先搵到，潮友想食就早少少去～
Smokey Ice
星期日至四：15:30-23:30
星期五至六：15:30-00:30
#PND元朗 #PND甜品
@元朗合益路9-15號紀業樓地下G舖
鳴謝 潮友 T小姐 溫馨推介
Search